Ochiq usulda kon qazishning qudratli industrial bazasi mavjudligi va foydali qazilma zaxiralarining katta qismi yer yuziga yaqin joylashganligi tufayli mamlakatimizda qazib olinayotgan qattiq mineral xom ashyoning katta qismi (80-85%) ochiq usulda qazib olinmoqda. Keyingi yillarda mamlakat karerlarida ilmiy texnika taraqqiyoti natijalari asosida takomillashgan texnika va innovatsion texnologiyalarni qo‘llanishi orqali ochiq usulda kon qazish ishlari iqtisodiy ko‘rsatkichlarini yaxshilashga erishilmoqda. Bu esa o‘z navbatida konlarni ochiq usulda qazib olish doirasini yanada kengaytirishga imkon yaratmoqda. Shu sababli konchilik ishlari samaradorligini oshirish mamlakat xalq ho‘jaligining muhim vazifalaridan biri hisoblanadi.