Geliy-Neon lazerlari kuchi bir necha o’n millivattga teng bo‘lib, monoxromatik nurlantiradi va impulsli hamda uzluksiz rejimlarda ishlaydi. Ular ko‘rinuvchan va infraqizil spektr sohalarida ishlaydi, o‘zining sodda tuzilishi va xavfsizligi bilan laboratoriyalarda keng qo‘llaniladi. Geliy-neon lazerlari nurlanishining to‘lqin uzunligi ko‘pincha 632,8 nm va infraqizil diapazonda 1150 va 3390 nm ni tashkil qiladi. Bu lazerlar yuqori darajada kogerent bo‘lib, interferensiya va difraksiya hodisalarini o‘rganish uchun mukammal manba hisoblanadi. Ular biologik tekshirish, aloqa sistemalari, golografiya, mashinasozlik va boshqa ilmiy hamda texnik sohalarda keng qo‘llaniladi.