Geliy-Neon lazerlari monoxromatik nurlantiruvchi quvvati bir necha o’n millivattga teng lazerlar bo‘lib, impulsli va uzluksiz rejimlarda ishlaydi. Ular spektrning ko‘rinuvchan va infraqizil sohasida nurlanish hosil qiladi, qizil to‘lqin uzunligi 632,8 nm bo‘lib, infraqizil sohada 1150 va 3390 nm ga teng to‘lqin uzunliklarida nurlanish beradi. Geliy-neon lazeri oddiy tuzilishga ega, ishlatilishi oson va laboratoriyalarda keng tarqalgan. Bu lazerlar yuqori kogerentlik darajasiga ega bo‘lib, interferensiya va difraksiya kabi hodisalarni o‘rganishda qo‘llaniladi, shuningdek biologik tekshiruvlar, lazerli aloqa, golografiya, mashinasozlik va boshqa ko‘plab sohalarda ishlatiladi.