Ushbu o‘quv qo‘llanma axborot texnologiyalarini o‘quv jarayonida qo‘llashga qiziquvchi o‘qituvchilar uchun mo‘ljallangan. Uni yaratish maqsadi 5-sinf informatika va axborot texnologiyalari fanini o’qitishni takomillashtirish bo‘lib, elektron didaktik materiallardan foydalanish, metodik ishlanmalarni ilmiy-nazariy tahlil qilish va tavsiyalar ishlab chiqishni o‘z ichiga oladi. O‘quv-uslubiy majmua bosma va elektron materiallarni, multimedia vositalarini, laboratoriya va nazorat ishlari uchun metodik vositalarni o‘z ichiga oladi. Materiallar fan standartlari va ta’lim talablariga moslab ishlab chiqilgan hamda mustaqil ishni samarali tashkil qilishga qaratilgan.