Mazkur dissertatsiya ishida yo‘l harakati xavfsizligi xodimlarining xizmat faoliyatini baholash uslubi axborot kommunikatsiya texnologiyalari asosida takomillashtiriladi. Tadqiqotda respublikada yo‘l harakati xavfsizligi xodimlarining ish faoliyati, ular va haydovchilar munosabati, mavjud me’yoriy hujjatlar, xorij mamlakatlarining tajribalari o‘rganilib, baholash tizimini kuchaytirishga qaratilgan dasturiy ta’minot ishlab chiqildi. Dissertatsiya ilmiy yangiligi sifatida YHQ buzilishi va YTH o‘rtasidagi bog‘liqlik regression model yordamida tahlil qilindi, shuningdek, YHXX xodimlarining ishini yaxshilash bo‘yicha tavsiyalar ishlab chiqildi. Ilmiy ishda foydalanilgan metodlar sintez, tahlil, induksiya va amaliy usullarni o‘z ichiga oladi.