Ushbu buxgalteriya hisobi milliy standarti (BHMS) O‘zbekiston Respublikasining "Buxgalteriya hisobi to‘g’risida"gi Qonuni asosida ishlab chiqilgan va O‘zbekiston Respublikasida buxgalteriya hisobini me’yoriy tartibga solish tizimining bir qismi hisoblanadi. Standartning maqsadi qurilish pudrati shartnomalari bilan bog’liq bo‘lgan daromadlar va xarajatlarning buxgalteriya xisobi uslubiyatini belgilashdan iborat. Pudrat shartnomasi bo‘yicha daromadlar va xarajatlarning taqsimlanishi pudrat shartnomalarini hisobga olishdagi asosiy masaladir, chunki pudratni amalga kiritish va uni yakunlash sanalari odatda har xil hisobot davrlariga to‘g’ri keladi. Pudrat shartnomasi bo‘yicha daromadlar va xarajatlar moliyaviy natijalar to‘g’risidagi xisobotda daromadlar va xarajatlar sifatida aks ettirilishi lozim bo‘ladigan paytni belgilash uchun ushbu standart moliyaviy