Ushbu kurs loyihasini bajarish davomida elektr tarmog‘ining optimal bog‘lanish sxemasini tanlash uchun elektr tarmog‘ining mumkin bo‘lgan 3–5 varianti ko‘rib chiqildi. Elektr tarmog‘ining bog‘lanish sxemasini tanlashda elektr energiyani uzatish eng qisqa masofadan amalga oshirilishi hamda birinchi va ikkinchi toifa iste’molchilari bir–biriga bog‘liq bo‘lmagan ikkita manbadan ta’minlanishiga e’tibor qaratildi. Tarmoqlarni loyihalashda nominal kuchlanishni to‘g‘ri tanlash uchun kichik nominal kuchlanishli tarmoq moliyaviy jixatdan arzon, lekin elektr energiya isrofi bo’yicha optimal yechim bo’lmasligiga ahamiyat berildi. Elektr uzatish liniyalarining ochiq o‘tkazgichlari kesim yuzalarini tanlashda iqtisodiy tok intervallar usulidan foydalanildi. Yangi loyihalanayotgan nimstansiyalar uchun qishki va yozgi yuklamalari qiymatlari taxlil qilindi.