Mazkur kurs ishi O‘zbekiston Respublikasida korxonalar va tadbirkorlik subyektlarining faoliyatini davlat tomonidan tartibga solish zaruriyati, uning asoslari, turlari, shakllari va uslublarini o‘rganishga bag‘ishlangan. Iqtisodiyotni davlat tomonidan tartibga solishning maqsadi va usullari tahlil qilinib, davlat tomonidan tadbirkorlikni qo‘llab-quvvatlash, raqobatni himoya qilish, ijtimoiy adolatni ta’minlash kabi vazifalar ko‘rib chiqilgan. Kurs ishida O‘zbekiston Respublikasi qonunlari va Prezident farmonlari asosida tartibga solish mexanizmlari ham ko‘rib chiqilgan.