Ushbu loyiha qishloq xo‘jaligida yer ishlab chiqarishni samarali boshqarish uchun axborot-maslahat tizimini yaratish va innovatsion texnologiyalarni joriy etishni maqsad qiladi. Loyiha doirasida sun’iy intellekt va geoaxborot texnologiyalari yordamida qishloq xo‘jaligi yerlarining holati va ekinlarning yetishishi holati kuzatilib, tahlil qilinadi. “Monterra” onlayn platformasi yordamida yer maydonlari vektor formatida boshqariladi va xaritalar yaratiladi. Bu loyiha yerdan foydalanish samaradorligini oshirish, kadastr hisobini takomillashtirish va davlat xizmatlarini raqamlashtirishga xizmat qiladi.