O‘zbekiston Respublikasi o‘z mustaqilligini jahon miqyosida yil sayin barqarorlashtirib borar ekan uning istiqboli bugungi avlodning bilimdon ma’naviy va jismoniy jihatdan barkamol insonlar bo‘lib yetishishiga bog’liqdir. Bu o‘rinda Respublikada talabalarning jismoniy tayyorgarligini rivojlanishi va ishchanlik qobiliyatlarini shakllantirishda jismoniy tarbiya na sport fanining huquqiy asoslari fani alohida ahamiyat kasb etadi. Mustaqil O‘zbekiston taraqqiyotida jismoniy tarbiya, jismoniy madaniyat va sport sohalarining rivojlanishi ayniqsa, diqqatga sazovordir. Bu sohaning nazariy va amaliy asoslarini rivojlantirishga Birinchi Prezidentimiz I.A.Karimov katta e’tibor qaratgan bo‘lsalar, bugungi kundi yurtboshimiz Sh.Mirziyoyev ushbu ishlarni uzviy davom ettirmoqdalar. Sog’lom turmush tarzini shakllantirish, millat genofondini yanada sog’lomlashtirish, barkamol avlodni tarbiyalash borasida jismoniy tarbiya va sportni rivojlantirish ahamiyati davlat siyosatining ustuvor yo‘nalishlaridan biri deb belgilangan. Qisqa muddatda bu sohada olib borilgan keng ko‘lamli amaliy harakatlar o‘z samarasini bera boshladi. Ma’lumki, mamlakatimiz sporti 1991 yilgacha sobiq Ittifoq bo‘yicha amal qilgan hukmron tizimning bir qismi bo‘lib, yurtimiz