Jismoniy tarbiya va sportda o‘lchash ob’ektlari uchta asosiy guruhga bo‘linadi: sport yuklamasi ko‘rsatkichlari; jismoniy tayyorgarlik darajasi ko‘rsatkichlari; texnik–taktik ko‘rsatkichlar. Sport yuklamasi ko‘rsatkichlari – bu sportchi organizmiga uning jismoniy va texnik–taktik tayyorgarligi darajasini oshirish maqsadida ta‘sir ko‘rsatish vositasidir. Sportchining organizmiga ta‘sir ko‘rsatuvchi barcha omillar o‘lchash ob’ektlari hisoblanadi va ular baholanishi yoki o‘lchanishi lozim. Yuklamani ikkiga bo‘lish qabul qilingan: tashqi (ta‘sir qilishning barcha usullarini tasvirlagan holda) va ichki (tashqi yuklamaning ta‘siri ostida organizmdagi o‘zgarishlarni ko‘rsatgan holda).