Milliy o‘quv dasturi asosida yaratilgan 2-sinf uchun mo‘ljallangan yangi “Ona tili va o‘qish savodxonligi” darsligi boshlang‘ich ta’lim kontseptsiyasiga moslangan, tilning leksikologik va semantik tomonlariga urg‘u beradi. Darslikda yangi ta’lim konsepsiyasi asosida o‘quvchilarda og‘zaki va yozma nutq ko‘nikmalarini, ijodiy fikrlashni rivojlantirish, savodxonlikni oshirish maqsad qilingan. Har bir mavzu amaliy topshiriqlar, mashqlar va dastlabki bosqichdan matn yaratishga qadar tizimli tarzda ishlab chiqilgan. Qiyin so‘zlar uchun maxsus lug‘at va tushuntirishlar kiritilgan, o‘qituvchilar uchun “O‘qituvchi kitobi” va o‘quvchilar uchun “Mashq daftari” mavjud. Darslik milliy ta’lim standartlari talablariga moslashtirilgan va o‘quvchilarning nutqiy malakasini shakllantirishga qaratilgan.