Ushbu mahsulot 2-sinf ona tili va o‘qish savodxonligi fanlarining birlashuvi natijasida milliy o‘quv dasturi asosida yaratilgan darslikdir. Yangi darslikda grammatika va yodlashga asoslangan yondashuv o‘rniga tinglab tushunish, o‘qib tushunish, fikrni og‘zaki va yozma bayon qilish ko‘nikmalarini rivojlantirishga urg‘u berilgan. Darslikda matnlar badiiy, informativ va ilmiy-ommabop uslubda bo‘lib, mavzular spiralsimon tarzda ketma-ketlik bilan o‘rganiladi. Har bir mavzuga topshiriqlar ishlab chiqilgan, og‘zaki va yozma nutq ko‘nikmalarini uyg‘un shakllantirishga mo‘ljallangan. Yangi darslikda o‘qituvchi uchun “O‘qituvchi kitobi” va o‘quvchilar uchun “Mashq daftari” mavjud. Darslikda og‘zaki javoblar, tushunish ko‘nikmalari, lug‘at boyligini oshirishga alohida e’tibor qaratilgan, uyga vazifa mavjud emas.