Ushbu platforma maktabgacha ta’lim muassasalarining ishini avtomatlashtirishga qaratilgan bo‘lib, bolalarning vaqtlarini unumli o‘tkazishlarini ta’minlash va maktab o‘quv jarayonlariga tayyorlashni maqsad qiladi. Pandemiya sharoitida masofadan turib faoliyat yuritish imkoniyatini yaratadi hamda ota-onalarga farzandlaridan istalgan vaqtda xabar olish imkoniyatlarini yaxshilaydi. Platforma nafaqat bolalarni tarbiyalash va ta’lim jarayonlarini qo‘llab-quvvatlashga, balki maktabgacha ta’lim tizimida to‘lovlarni avtomatlashtirishga ham mo‘ljallangan.