Ushbu hujjat O‘zbekiston Respublikasining maktabgacha yoshdagi bolalar rivojlanishiga qo‘yiladigan davlat talablarini belgilaydi. Talablar maktabgacha ta’lim tashkilotlarida ta’lim-tarbiya jarayonining mazmun va sifatini standartlashtirish, bolalarning 4 asosiy rivojlanish yo‘nalishiga (jismoniy rivojlanish, ijtimoiy-hissiy rivojlanish, nutq va savodxonlik, bilish jarayoni) amal qilishni va ularni keyingi maktab ta’limiga tayyorlashni nazarda tutadi. Ushbu talablar O‘zbekiston Respublikasi qonunlari, prezident qarorlari va Vazirlar Mahkamasining qarorlariga asoslangan bo‘lib, barcha davlat va nodavlat maktabgacha ta’lim muassasalarida, shuningdek, «Mehribonlik» bolalar uylarida majburiy hisoblanadi. Hujjat pedagogik jarayonda zamonaviy axborot-kommunikatsiya texnologiyalarini joriy etish va mamlakatning ijtimoiy-iqtisodiy islohotlariga mos keladi.