Mazkur mahsulot dorivor oʻsimliklarning yetishtirilishi, saqlanishi, urugʻ morfologiyasi, biologiyasi va qayta ishlash texnologiyalariga bagʻishlangan ilmiy-amaliy ishdir. Unda dorivor oʻsimliklarning milliy tabiiy boylik sifatida ahamiyati, ularni madaniylashtirish va ekologik himoyasi, shuningdek, xalq tabobati va zamonaviy tibbiyotda qoʻllanilishi, eksport salohiyati va klaster tizimi asosidagi ishlab chiqarish imkoniyatlari tahlil qilingan. Ishda dorivor oʻsimliklardan sifatli fitopreparatlar tayyorlash, xalq salomatligini yaxshilash uchun innovatsion va iqtisodiy samarali texnologiyalar ishlab chiqish muhimligi ko‘rsatib o‘tilgan.