Kurs ishida 1920-1924-yillarda Buxoro Xalq Sovet Respublikasi (BXSR) tashkil topishi, uning boshqaruv tarkibi, harbiy va ijtimoiy sohalardagi tub o‘zgarishlar tarixshunosligi o‘rganiladi. Ishda BXSR davrida amalga oshirilgan ijtimoiy-siyosiy jarayonlar, iqtisodiy-madaniy rivojlanish xususiyatlari, mahalliy matbuot va tarixshunos olimlarning asarlari tahlil qilinadi. Mavzuning dolzarbligi mustaqillik yillarida Buxoro tarixi va uning milliy davlat sifatidagi o‘rni qayta ko‘rib chiqilishi bilan bog‘liq. Ishda BXSR hukumati faoliyati, yersuv masalasi, amirlik tuzumining tugatilishi, va yangi davlat tuzumining shakllanishi muhokama qilinadi.