Farg’ona – Toshkent maqom yo’llari – bu Toshkent va Farg’ona vodiysi hududlariga oid xalq musiqa san’atining qadimiy namunalaridan biri bo‘lib, alohida cholg’u va ashula yo‘llarini o‘z ichiga oladi. Ushbu maqomlar Shashmaqom an’analaridan farq qilgan holda, alohida-alohida turkumlar shaklida shakllangan. Maqomlar ming yillar davomida og‘zaki an’anada rivojlanib, ustozdan shogirdga o‘tgan va xalq ijrochilari tomonidan sevib bajarilib kelinmoqda. Farg’ona – Toshkent maqom yo’llarida turkumli va alohida kuy-ashula yo‘llari mavjud, ularning shakllanishi va rivojlanishi tarixiy, madaniy va musiqiy jarayonlar bilan chambarchas bog‘liqdir. Ushbu maqomlar musiqiy estetik didni tarbiyalashda va milliy musiqa madaniyatini boyitishda muhim o‘rin tutadi.