Ibn Battutaning mashhur “Sayohatnoma” asarining O’rta Osiyo bo‘ylab sayohatini o‘rganishga bag‘ishlangan ilmiy ish. Asar o‘rta asr mamlakatlari, shaharlari, ularning xalqlari madaniyati, turmush tarziga oid noyob va ko‘p o‘rinlarda yagona ma’lumotlarni jamlagan. Ushbu ilmiy ish tarixiy va geografik kontekstda asarni chuqur tahlil qiladi, uning ahamiyatini va tarjima tarixini yoritadi. Mavzu arabshunos olimlar tomonidan amalga oshirilgan o‘zbek tiliga to‘liq ilmiy-izohli tarjimaga asoslangan bo‘lib, xalqimiz ijtimoiy-iqtisodiy va ma’rifiy hayoti haqida ma’lumotlarni o‘z ichiga oladi.