Qishloq xo'jalik mahsulotlarini saqlashda logistik xarajatlarni hisobga olish Logistika - bu mahsulotlarni ishlab chiqarishdan iste'molgacha bo'lgan jarayonni boshqarish. Qishloq xo'jaligi sohasida bu jarayonlar, saqlash, transport va taqsimot kabi bosqichlarni o'z ichiga oladi. Logistikada moddiy oqimlarga moliyaviy xizmat ko‘rsatishning asosiy maqsadi ularning harakatini eng samarali moliyaviy manbalardan foydalangan holda kerakli miqdorda, kerakli muddatda moliyaviy resurslar bilan ta’minlash hisoblanadi. Hech bo‘lmaganda bunday holatda har bir moddiy oqimga o‘zining yagona moliyaviy oqimi to‘g‘ri keladi. Shakllanayotgan va rivojlanayotgan bozor iqtisodiyoti sharoitlarida tovar oqimlarining harakati samaradorligini oshirish ko‘pincha ularga moliyaviy xizmat ko‘rsatishni yaxshilash hisobidan erishiladi. Bu esa o‘z navbatida logistik moliyaviy oqimlarni ajratish va o‘rganish zaruratini yuzaga keltiradi. Tovar oqimlariga moliyaviy xizmat ko‘rsatish mexanizmi ayni paytda hali unchalik o‘rganilmagan soha hisoblanadi va ko‘plab masalalarga turlicha qarashlar mavjud. Shuningdek, bunday tafovut moliyaviy oqimlar mohiyatini aniqlashda ham kuzatiladi. Mazkur muammoni o‘rganishda ikkita asosiy yondoshuvni ajratish mumkin: 1. moliyaviy oqim deganda moliyaviy mablag‘larning makro va mikrologistik muhitdagi har qanday ko‘chishi tushuniladi; 2. moliyaviy mablag‘larning faqat logistik tizimlar yoki ular o‘rtasidagi harakati.