Нотиқлик санъати - ишонтириш усулларини ўргатувчи фан бўлиб, аудитория фикрларини, эътиқодларини ўзгартиришга имконият берувчи таъсир этиш усулларини ўргатади. Мунозара жараёнида ишонтириш шундай қизиқарли жараёнки, нутқ маданияти ва нотиқлик маҳорати юқори бўлса, оммага ўта мураккаб ёки мавҳум ғояларни сингдириш мумкин. Бироқ, шундай инсонлар учрайдики, уларни “иккига иккини кўпайтирса тўрт бўлади” – оддий математик ҳақиқат деб ишонтиришнинг иложиси бўлмайди. Кўплаб ҳолларда инсон ўз дунёқарашини ўзгартиришни истамайди, чунки дунёқарашни ўзгартириш хатти-ҳаракатни, турмуш-тарзини ўзгартиришга олиб келади. Нутқий ҳаракат маданияти муам