Bolalarni badiiy adabiyot bilan tanishtirishda axborot texnologiyasidan foydalanish Agar televideniye bolalarga qahramonlarni ko'rgazmali tarzda ko'rsatish imkoniga ega bo'lsa, radio esa so'z va musiqa bilan ta’sir etish vositasi bo'lib xizmat qiladi. Radio eshittirish bolalardan so'zlarga diqqat qilishni talab etib, ularning nutqini rivojlantirishga katta ta’sir ko'rsatadi. Tarbiyachi bolalarni radioeshittirishga tayyorlashda ovozli diafilmlardan foydalanadi. Bolalar suxandonning nutqini idrok qilishga o'rganib olganlaridan so‘ng, radiosuxandonning nutqini idrok eta boshlaydilar. Bolalar eng qiziqarli radioeshittirishlarni tinglar ekanlar, ular o'zlaricha voqealarni, qahramonlarni, tabiatmanzaralarini ko‘z oldilariga keltiradilar, ya’ni so‘zlarni predmet va hodisalar bilan taqqoslaydilar. Ko‘pgina radioeshittirishlar dasturlarga kiritilgan badiiy asarlar asosida tuzilgan.