WORD matn muharriri Windows operatsion tizimining amaliy dasturlaridan bo‘lib, matnli va tasviriy ma’lumotlarni yaratish, tahrirlash, ko‘zdan kechirish va chop etishga xizmat qiladi. Dastur yordamida turli ko‘rinishdagi hujjatlar yuqori sifat bilan tez tayyorlanadi, bir nechta hujjatlar bilan ishlash mumkin. WORD o‘z ichiga avtomat yozish, avtotahrirlash, formatlash, jadval va diagramma yaratish, imlo tekshiruvi, sinonimlarni tanlash kabi funksiyalarni oladi. Microsoft Office paketining tarkibiy qismi bo‘lib, oddiy matn muharriridan farqli ravishda qulay va keng imkoniyatlarga ega. Matematik va kimyoviy formulalar kiritishda ba’zi cheklovlar mavjud.