Boshlang‘ich sinflarda nutq oʻstirish vositalaridan foydalanish Reja: Kirish ..............................................................................................................3 I Bob. Boshlang‘ich sinflarda nutq oʻstirish pedagogik muammo sifatida Nutq va nutq oʻstirish ijtimoiy jarayon sifatida...................................... 6 Bolalar nutqini rivojlantirishga doir pedagogik ishlar mazmuni va shart-sharoitlari…………………….…………...…………..……………………..….11 II Bob. Boshlang‘ich sinflarda nutq oʻstirish usullari Boshlang‘ich sinf oʻquvchilarining nutqini oʻstirishda maqollardan foydalanish………………………………………………………………………..19Nutq oʻstirishda mashqlar tizimi va interfaol metodlardan foydalanish…………………………………………………….…………...……..29Xulosa ............................................................................................................... 47 Foydalanilgan adabiyotlar ...............................................................................49 KIRISH Bitiruv malakaviy ishi mavzusining dolzarbligi: Ma’lumki, nutqiy tayyorgarlikning shakllanishi - bu bolalarning bilish, nutq qobiliyatlarining rivojlanishi, ularning tegishli soʻz boyligini va atrof-muhit haqidagi elementar bilimlar tizimini oʻzlashtirishi, nutqiy koʻnikma va malaka shakllanishining tizimli va maqsadli jarayonidir. Kishilar bilan me’yordagi munosabatlarni oʻrnata olmaslik, niyatlarini aniqlay olmaslik, oʻz nuqtai nazariga oʻzgalarni professional tarzda koʻndira olmaslik, “birovni” uning ichki kechinmalari va oʻziga boʻlgan munosabatini aniq tasavvur qila olmaslik amaliy psixologiyada kommunikativ uquvsizlik yoki diskommunikatsiya holatini keltirib chiqaradi. Bunda kishilar bir-birlarini tushuna olmay qoladilar, oqibatda tugay deb turgan ish bitmasdan choʻzilib ketishi mumkin. Shuning uchun hozirgi paytda yoshlikdan kommunikativ bilimdonlikka oʻrgatish, ularda zarur kommunikativ malakalarni hosil qilishga katta ahamiyat berilmoqda. Har bir ziyoli kishi boshqalar bilan hamkorlik qilish mahorati va san’atiga ega boʻlishi kerak. Bu vazifa odamlarni muomala va muloqot etikasiga oʻrgatishni har qachongidan dolzarb qilib qoʻymoqda. Shunga asosan biz bitiruv malakaviy ishimizni “Boshlang‘ich sinf oʻquvchilarida nutq oʻstirish vositalaridan foydalanish” deb nomladik. Nutq oʻstirish va savodxonlik ishlari 1-sinfdan to 4-sinfgacha davom ettiriladigan uzluksiz jarayondir. Nutq oʻstirish bolalarda nutqni rivojlantirishga yoʻnaltirilgan pedagogik faoliyat qonuniyatlarini oʻrganuvchi fandir.