Bugungi kunda O‘zbekiston Respublikasida ta’lim-tarbiya tizimida olib borilayotgan islohotlar zamonaviy ta’limning sifatini oshirish, o‘quvchilarning mustaqil fikrlashi, bilim va ko‘nikmalarini shakllantirishga yo‘naltirilmoqda. Xususan, boshlang‘ich ta’lim bosqichida matematika fanining o‘rni alohida ahamiyat kasb etadi. Bu fanning mazmuni orqali o‘quvchilarda mantiqiy tafakkur, muammoli vaziyatlarda yechim topish, hisob-kitob ko‘nikmalari shakllanadi. Boshlang‘ich sinf matematika kursi o‘quvchilarda amallar ustida turli usullarda ishlashni o‘rgatish orqali ularning bilimlarini mustahkamlashga xizmat qiladi. Bu jarayonda bo‘lish amali, ayniqsa ikki xonali sonlarni ikki xonali songa bo‘lish, mantiqiy fikrlash va algoritmik yondashuvni talab qiladigan murakkab mavzulardan biri hisoblanadi. 3-sinf matematika darsligining 2-qismida ikki xonali sonni ikki xonali songa bo‘lish, ya’ni bo‘rchakli bo‘lish usuli orqali o‘rgatiladi. Ushbu usul o‘quvchilar uchun yangi bo‘lib, uni to‘g‘ri va samarali o‘rgatish uchun maxsus metodik yondashuvlarni qo‘llash zarur bo‘ladi. Bo‘rchakli bo‘lishni o‘zlashtirish o‘quvchilarning keyingi bosqichlardagi matematik kompetensiyalarini rivojlantirishga asos bo‘lib xizmat qiladi. Ushbu kurs ishi 3-sinf matematika darsligining 2-qismi asosida ikki xonali sonni ikki xonali songa bo‘rchakli bo‘lishni o‘rgatish metodikasini o‘rganishga bag‘ishlangan. Unda mavjud metodik yondashuvlar, darslikdagi mashqlar tahlili, dars ishlanma namunasi hamda tajriba natijalari orqali mavzuning nazariy va amaliy asoslari yoritib beriladi. Kurs ishining maqsadi: 3-sinf matematika darsligining 2-qismi asosida ikki xonali sonni ikki xonali songa bo‘rchakli bo‘lishni o‘rgatishning samarali metodikasini ishlab chiqish va uni amaliyotda qo‘llash yo‘llarini aniqlash. Kurs ishining vazifalari: Boshlang‘ich sinfda matematikani o‘qitishning ahamiyatini aniqlash; Bo‘rchakli bo‘lish tushunchasining nazariy asoslarini o‘rganish; - 3-sinf darsligidagi bo‘lish amallari tahlilini o‘tkazish; Dars ishlanma namunasi ishlab chiqish; Tajriba asosida o‘quvchilarning mavzuni o‘zlashtirish darajasini aniqlash. Kurs ishining obyekti: 3-sinf matematika darsligining 2-qismi asosida dars jarayoni. Kurs ishining predmeti: Ikki xonali sonni ikki xonali songa bo‘rchakli bo‘lishni o‘rgatish metodikasi. Kurs ishining tuzilishi: Kirish, 3 ta bob, 9 §, xulosa, va foydalanilgan adabiyotlar ro‘yxatidan iborat.