ANNOTATSIYA Mazkur malaka ishida maktabgacha yoshdagi bolalarda rasm chizishga bo‘lgan qiziqish va motivatsiyani oshirishga yo‘naltirilgan samarali metodik yondashuvlar o‘rganilgan. Tadqiqot davomida bolalarning ijodiy fikrlashini rivojlantirish, estetik didini shakllantirish hamda ularni erkin ifoda etish ko‘nikmalarini qo‘llab-quvvatlash orqali tasviriy faoliyatga bo‘lgan ijobiy munosabatni shakllantirish yo‘llari yoritilgan. Ishda bolalarning yosh xususiyatlariga mos holda rasm chizishga bo‘lgan rag‘batini oshiruvchi innovatsion metodlar, o‘yin elementlari, interaktiv mashg‘ulotlar, ko‘rgazmali qurollar va maqtov-mukofot tizimining o‘rni tahlil qilingan. Shuningdek, metodik tavsiyalar orqali tarbiyachilarga bolalarning tasviriy faoliyatdagi ishtirokini faollashtirish bo‘yicha amaliy ko‘rsatmalar berilgan.