Maktabgacha yoshdagi bolalarni tarbiyalash va rivojlantirish jarayonida sahnalashtirish usuli keng qo'llaniladigan, ko‘plab ijobiy natijalar keltiradigan samarali usullardan biri hisoblanadi. Bu usul bolalarning aqliy, estetik, ahloqiy va jismoniy rivojlanishiga hissa qo‘shib, ularni atrofdagi voqea-hodisalarni idrok etish va mustaqil ravishda munosabat bildirish qobiliyatini rivojlantiradi. Shuningdek, sahnalashtirish orqali bolalar o‘zini ko‘rsatish, ijodiy faoliyatga qiziqishni shakllantirish va nutq madaniyatini rivojlantirish imkoniyatiga ega bo‘ladilar.