Maktabgacha yoshdagi bolalarning ta'lim-tarbiyasi va rivojlanishiga qo‘yiladigan davlat talablari to‘g‘risidagi normativ-huquqiy hujjat. Ushbu talablar O‘zbekiston Respublikasida maktabgacha ta’lim tashkilotlarida (davlat va nodavlat), “Mehribonlik” bolalar uylari va maktabgacha ta’lim turlariga kadrlar tayyorlovchi o‘rta maxsus va oliy ta’lim muassasalarida qo‘llaniladi. Davlat talablarining asosiy vazifalari bolalarning milliy va umuminsoniy qadriyatlar asosida tarbiyalanishini, ta’lim-tarbiya jarayonida zamonaviy pedagogik va axborot-kommunikatsiya texnologiyalarini tatbiq etishni, shuningdek, kadrlar tayyorlashda sifat va samaradorlikni ta’minlashni nazarda tutadi.