Muxtasar aytganda, maktabgacha ta’lim uzluksiz ta’limning boshlang’ich qismi hisoblanadi. U bolaning sog’lom va rivojlangan shaxs bo’lib shakllanishini ta’minlab, o’qishga bo’lgan ishtiyoqini uyg’otadi, tizimli o’qitishga tayyorlab boradi. Shunday ekan, bu tizim faoliyatini yanada kuchaytirish, maktabgacha ta’lim tashkilotlarida har tomonlama qulay shart-sharotlar yaratish, ularga maktabgacha yoshdagi bolalarni keng jalb etish farzandlarimizning barkamol va yetuk shaxs bo’lib shakllanishida muhim o’rin tutadi. Bugungi kunda psixologik pedagogik diagnostikaning o’rni, ahamiyati qanchalik katta ekanini hech kim inkor qilmaydi. Har qanday faoliyat zamirida ham amalga oshirilgan ishlarning pirovard maqsadi, vazifalari va kutilgan natijalari bo’ladi. Faoliyat natijalarini sarhisob qilish, amaliy xulosalar yasash, bo’sh yoki muvaffaqiyatli o’rinlarni belgilab olish – faoliyatning keyingi bosqichlarida uni hisobga olish pedagogik diagnostika deyiladi. Pedagogikada bolaning badiiy isedodini rivojlantirishda tarbiyachining pedagogik mahoratini oshirish jarayonida ta’lim samaradorligi, ish mazmuni, olib borilgan pedagogik faoliyatni tahlil qilish katta ahamiyatga ega bo’lib, maktabgacha ta’lim tashkilotlarida bu ish uslubi muvaffaqiyatli tarzda amalga oshirilmoqda, yutuqlar mustahkamlanib, yo’l qo’yilgan kamchilik va nuqsonlarni tahlil qilish asosida bosh strategik yo’nalishlar belgilab olinmoqda. Pedagogik mahorat o‘z maqsadiga ko‘ra turli yo‘nalishda turli ko‘rinishlariga ega bo‘ladi. Qo’llanilaotgan metod o‘rganilayotgan xususiyatlarni shakllantirishga qaratilgan ishlarni tashkil etishga amaliy tavsiyalar bilan ifodalanadi.