ANNOTATSIYA Mazkur malaka ishida maktabgacha yoshdagi bolalarda mantiqiy fikrlash qobiliyatini rivojlantirishda elementar matematik metodlarning o‘rni va ahamiyati yoritilgan. Unda bolalarning tafakkurini faollashtirish, solishtirish, guruhlash, ketma-ketlikni aniqlash, umumlashtirish kabi mantiqiy operatsiyalarni shakllantirishga qaratilgan mashg‘ulotlar tizimi tahlil qilingan. Ish davomida bolalar uchun mos bo‘lgan matematik o‘yinlar, didaktik materiallar, mashqlar va interfaol metodlardan foydalanish samaradorligi ochib berilgan. Malaka ishida zamonaviy pedagogik yondashuvlar asosida mantiqiy fikrlashning rivojlanish bosqichlari, pedagogning roli, hamda metodik tavsiyalar keltirilib, amaliyotda qo‘llash mumkin bo‘lgan namunaviy dars ishlanmalari taklif qilingan. Tadqiqot natijalari maktabgacha ta’lim muassasalarida tarbiyalanuvchilarning aqliy rivojiga ijobiy ta’sir ko‘rsatishi mumkinligi bilan ahamiyatlidir.