Mundarija: Kirish………………………………………………………………………………3 I Bob. Maktabgacha ta’lim tashkilotlarida tasviriy faoliyat mashg‘ulotlarida bolalar bilim va ko‘nikmalarini shakllantirish 1.1. Maktabgacha ta’lim muassasalarida tasviriy faoliyat vositasida bolalarning qobiliyatlari va ijodkorligini rivojlantirish…………...……………………………..5 1.2. Maktabgacha ta’lim tashkilotlarida bolalarni tasviriy faoliyatga o’rgatish va rivojlantirish masalasi………............……………………………………………..11 1.3. Tasviriy faoliyat mashg’ulotlarini olib borish shakllari va usullari………..…15 II bob. Maktabgacha ta’lim tashkilotlarida tasviriy faoliyat mashg’ulotlarini loyihalashtirishnng ahamiyat. 2.1. Maktabgacha ta’lim tashkilotlarida Tasviriy faoliyat mashg’ulotlarida rivojlantiruvchi markazlarining jihozlanishi………………………………………18 2.2. Kichik va o’rta guruhlarda tasviriy faoliyat mashg’ulotlarini loyihalashtirsh...25 2.3. Zamonaviy texnologiylardan foydalanib tasviriy faoliyat mashg’ulotlarida turli xil metodlardan foydalanishi…………………………………………..…………..32 Xulosa………………………………….…………………………………………37 Foydalanilgan adabiyotlar………………………………………………………39 Mavzuning dolzarbligi. Maktabgacha ta’lim tashkilotlarida bolalarni tasviriy faoliyat bilan tanishtirish orqali mehnatsevarlik, mustaqillik ko‘nikmalarini shakllantirishda turli shakl, usul va vositalardan foydalaniladi. “Ik qadam” dasturida katta yoshdagi bolalarda mehnatsevarlik, mustaqillik, mehnati natijasidan qoniqish sifatlarini shakllantirish, hunarmandchilikka qiziqtirish, xalq amaliy san’ati turlari bilan tanishtirish ta’kidlab o‘tilgan. San’atning ijobiy va eng muhim xususiyati shundaki, u aniq fanlardan farqli, voqea- xodisalarni tushunchalarda emas, balki sezgi va his tuyg’u bilan idrok qilinadigan shaklda, badiiy obrazlarda ifodalanadi. O’zbekistonning kelajak taraqqiyoti, salohiyati, bolalarga maktabgacha ta’lim yoshidanoq maqsadli ravishda ta’lim-tarbiya berish, rivojlantirish va maktabga tayyorlashga ko’p jihatdan bog’liqdir. Hozirgi kunda bolalarning maktabga tayyorgarlik darajalariga qo’yilayotgan jiddiy talablar bu borada zaruriy, nazariy va amaliy chora-tadbirlarni ishlab chiqishni taqozo etmoqda. Kurs ishining maqsadi. Maktabgacha ta’lim muassasalarida olib boriladigan tasviriy faoliyat mashg’ulotlari estetik tarbiyaning dastlabki bosqichi sifatida bolalarni aqliy rivojlantirish va ularning badiiy didini tarbiyalash, ijodkorlik qobiliyatini o’stirish, tevarak-atrofdagi va tabiatdagi go’zalliklarni ko’ra bilish, undan zavqlanish va unga nisbatan to’g’ri munosabatda bo’lishni, va nihoyat ijodiy qobiliyatlarini to’g’ri shakllangan bo’lishining pedagogik kafolatidir. Tasviriy faoliyat mashg’ulotlarining maqsadi bolalarda atrofdagi narsa va hodisalarga estetik munosabat bildirish, go’zalikka dahldor narsalarni yaratish (chizish, yasash)ning elementar asoslarini shakllantirishdan iborat. Kurs ishining vazifalari Ushbu kurs ishida maktabgacha yoshdagi bolalarni tasviriy faoliyati xaqida tushuncha; -maktabgacha yoshdagi bolalarni tasviriy faoliyati nazariyasi va metodlari; -maktabgacha yoshdagi bolalarning tasviriy faoliyati turlari va o’ziga xosligi; -rasm, loy, applikatsiya, qurish-yasash orqali maktabgacha yoshdagi bolalarni tasviriy ijodkorligini rivojlantirish; -maktabgacha ta’lim muassasalarida tasviriy faoliyat mashg’ulotlarini rejalashtirish va tashkil qilish; -maktabgacha yoshdagi bolalarni tasviriy san’at asarlari bilan tanishtirish usullari; -tasviriy faoliyat mashg’ulotlarida bolalarni maktabga tayyorlash; maktabgacha yoshdagi bolalarda tasviriy qobiliyatni rivojlanganlik darajasini aniqlash kabi masalalar yoritilgan. Maktabgacha ta’lim muassasalarida olib boriladigan tasviriy faoliyat mashg’ulotlarini to’g’ri tashkil etish va o’tkazish metodikasi bilan bo’lajak tarbiyachilar “Maktabgacha ta’limda tasviriy faoliyatga o’rgatish metodikasi“ fanini o’rganish orqali egallab boradilar. Dasturda maktabgacha ta’limda tasviriy faoliyatga o’rgatish metodikasi fanining nazariy jixatlari asoslab berilgan. Maktabgacha ta’limda tasviriy faoliyatga o’rgatish metodikasi o`quv fanini o`zlashtirish uchun zarur bo`lgan birlamchi ma’lumotlar yoritilgan. Kurs ishining tuzilishi kirish, 2 bob 6 reja, xulosa va foydalanilgan adabiyotlar qismidan tashkil topgan.