Mavzuning dolzarbligi. Respublikamizda maktabgacha ta’lim tizimini qaytadan qurish borasida olib borilayotgan tub ijtimoiy-iqtisodiy va siyosiy islohotlar, amalga oshirilayotgan keng qamrovli ishlar ertangi kunimiz, qolaversa, kelajagimiz egalari bo’lmish yoshlarga ko’rsatilayotgan g’amxo’rlikning yorqin ifodasidir. O’zbekiston Respublikasi prezidenti Shavkat Mirziyoyevning 2017-yil 30 sentabrdagi “Maktabgacha ta'lim tizimi boshqaruvini tubdan takomillashtirish chora-tadbirlari to’g’risida”gi farmoni hamda “O’zbekiston Respublikasi Maktabgacha ta'lim vazirligi faoliyatini tashkil etish to’g’risida”gi qaroriga muvofiq bu sohada yangi tizim yaratildi. Yangi vazirlik oldiga maktabgacha ta'lim sohasida yagona davlat siyosatini ishlab chiqish va amalga oshirish, maktabgacha ta'lim tashkilotlari davlat va nodavlat tarmog’ini kengaytirish va moddiy-texnik bazasini mustahkamlash, ularni malakali pedagog kadrlar bilan ta'minlash, maktabgacha ta'lim tashkilotlariga bolalarni qamrab olishni keskin oshirish, ta'lim-tarbiya jarayonlariga zamonaviy ta'lim dasturlari va texnologiyalarini tatbiq etish orqali bolalarni har tomonlama intellektual, ma'naviy-estetik, jismoniy rivojlantirish hamda ularni maktabga tayyorlash sifatini tubdan yaxshilash vazifalari qo’yildi. Kurs ishining maqsadi va vazifalari. Kurs ishining maqsadi: Maktabgacha yoshdagi bolalarni tasviriy faoliyatga o’rgatish, tasviriy faoliyati turlari, tasviriy faoliyat mashg’ulotlarini tashkil etish va o’tkazish metodikasi bilan tanishtirish. Kurs ishi vazifalari – talabalarni maktabgacha ta’limda tasviriy faoliyatga o’rgatishning ilmiy-pedagogik asoslarini bilishi; - maktabgacha yoshdagi bolalarning tasviriy faoliyati turlari va o’ziga xosligini o’rganish; - rasm, loy, applikatsiya, qurish-yasash orqali maktabgacha yoshdagi bolalarni tasviriy ijodkorligini rivojlantirishni; - maktabgacha ta’lim tashkilotlarida tasviriy faoliyat mashg’ulotlarini rejalashtirish va tashkil qilish metodikasini; -mashg’ulotdan tashqari vaqtlarda tasviriy faoliyatni tashkil qilishni; -maktabgacha yoshdagi bolalarda tasviriy qobiliyatni rivojlanganlikni aniqlashni. Kurs ishining yangiligi. Maktabgacha ta’lim tizimida AKTan foydalangan holda ta’lim jarayonining o‘ziga xos xususiyati shundan iboratki, faoliyat markazida bola individual qobiliyatlari va qiziqishlaridan kelib chiqib, bilish jarayonini quradi. Kurs ishining o’rganilganlik darajasi. Maktabgacha yoshdagi bolalarni tasviriy qobiliyatlarini, ijodkorligini rivojlanganlik darajasini aniqlash uchun har xil usullardan foydalandik. Maktabgacha yoshidagi bolalarda tasviriy faoliyatida ijodkorligini aniqlash uchun manitoring oʻtkazdik. Kurs ishining tuzulishi: kirish, 2 bob, to’rt bo'lim, umumiy xulosa, foydalanilgan adabiyotlar ro'yxatidan tashkil tongan.