Mavzuning dolzarbligi. Yurtimizda ta’lim taraqqiyotiga bo‘lgan e’tibor yuksak darajada rivojlanayotgan bugungi zamonda, maktabgacha ta’lim sohasida ham tub burilishlar davri yuzaga kelishiga asos bo‘ldi. Maktabgacha yosh davri inson tafakkuri shakllanishidagi eng muhim bosqich sifatida olimlar tomonidan aniq dalillarga asoslanib e’tirof qilinganligi bois, ushbu yoshdagi bolalarni har tomonlama barkamol etib tarbiyalash muhim vazifa sifatida qaralmoqda. Xususan, yurtboshimiz Sh.Mirziyoyev ta’biri bilan aytganda: ―Aslida, farzandlarimiz tarbiyasida eng asosiy bo‘g‘in hisoblangan maktabgacha ta’lim tizimining jamiyatimiz hayotidagi o‘rni va ahamiyatini hech narsa bilan o‘lchab bo‘lmaydi. Aynan maktabgacha ta’lim sohasiga bo‘lgan e’tibor mamlakatning ertangi taraqqiyoti uchun mustahkam zamin yaratish imkoniyatini beradi, deb hisoblanadi. Maktabgacha ta’lim tashkilotlarida tasviriy faoliyat vositasida bolalarning estetik qobiliyatlarini shakllantirishda tarbiyachining o‘rni beqiyos.U chuqur bilim va yuqori malakaga ega bo‘lishi, buning uchun muntazam rvishda o‘z ustida ishlashi, ilmiy-nazariy saviyasini tinimsiz ko‘tarishi, ilg‘or tajribalarga tayanishi kerak. Kurs ishining maqsadi: Tasviriy faoliyat bo‘yicha maktabgacha ta’lim tashkiloti dasturi bolalarda tevarak atrofga nisbatan qiziqishni uyg‘otish estetik munosabatni tarbiyalash, ijodiy qobiliyat va tasvirlashni rivojlantirishni ko‘zda tutadi. Maktabgacha ta’lim tashkiloti mashg‘ulotlarida bolaning maktabda muvaffaqiyatli o‘qib ketishi uchun zarur bo‘lgan vazifalar hal etiladi. Rasm, applikatsiya loy ishlari jarayonida bolalarda fikr yuritishning analiz sintez, takrorlash, konkretlashtirish kabi ko‘nikmalari shakllanadi. Shuningdek bu jarayonlarda bolalar jamoada ishlashga, o‘z harakatini o‘rtoqlarining harakatiga moslashtirishga o‘rganadilar. Kurs ishining vazifalari: - O‘zbekiston tasviriy sanatida miniatyura rangtasvirining paydo bo‘lishidagi sharoitlar va omillar, bunga asos solgan rassom Kamoliddin Behzodning ijodi haqida mahlumot berib, mustaqillik davridagi rivojlanishi jarayonini yoritib beradi. - maktabgacha ta’lim tashkilotlarida tasviriy faoliyat turlari, ularning mazmuni, tasviriy faoliyat jarayonida bolalarda aqliy, axloqiy, estetik tarbiya turlarini rivojlantirish, irodaning sifatlari-boshlagan ishini oxiriga yetkazish, oldiga maqsad qo‘yib, o‘shani bajarishga tomon intilish, qiyinchiliklarni yengish, o‘rtoqlariga yordamlashish kabi xususiyatlar haqida tushuncha, ko‘rsatib berilgan. - maktabgacha yoshdagi bolalarni tasviriy san’at turlari bilan tanishtirish, fikrlash qobiliyatini, ko‘rish xotirasini, ijodiy tasavvurini, badiiy didini rivojlantirishga qaratilgan faoliyat hamda, bolalarni maktabga tayyorlashda tasviriy faoliyatga o‘rgatishning rasm chizish malakalarini egallash, keyinchalik maktabda tasviriy san’at va mehnat darslarini muvaffaqiyatli egallashlari hamda ushbu omillar natijasida bolalarning estetik jiha5tdan kamol topishlari haqida fikrlar keltirilgan. - maktabgacha ta’lim tashkilotlarida olib boriladigan tasviriy faoliyat mashg‘ulotlari imkoniyatlari tahlil qilingan. Tasviriy faoliyat jarayonida bolalarning har tomonlama rivojlanishi va guruhda rivojlantiruvchi muhitning tarkib topishi izchil asoslangan. Kurs ishining yangiligi. Maktabgacha yoshidagi bolalarni tasviriy san'at asarlarini badiiy tahlil qilishning o‘rgatilishi haqida yangiliklar o‘z navbatida tasviriy san'atning tushunchalarini tushunish va ma'naviyatini baham qilishni o‘rgatishni va tahlil qilishni o‘rganishni o‘z ichiga oladi. Bu, bolalarga san'at asarlarini tahlil qilish orqali ularga fikr-mulohaza olish va tajribani eslab qolish imkoniyatini beradi. Bu xil tahlil maktabgacha yoshidagi bolalarni tasviriy san'at asarlariga oid ma'naviyat darajasini oshirishga yordam beradi. Kurs ishining o‘rganilganlik darajasi. Maktabgacha yoshdagi bolalarni har tomonlama tarbiyalashda tasviriy faoliyat katta ahamiyatga egadir. Tasviriy sanʼatning oʻziga xos murakkabliklarini tushinib, uning nozik qirralarini maktabgacha yoshdagi bolalarga ulashish mahoratiga ega boʻla oladigan tarbiyachilarni yetishtirib. Maktabgacha yoshdagi bolalarni tasviriy sanʼat turlari bilan tanishtirish fikrlash qobiliyatini,koʻrish xotirasini, ijodiy tasavvurni, badiiy didini rivojlantirish. Kurs ishining tuzulishi: kirish 2 bob 4 bo‘lim xulosa va foydalanilgan adabiyotlardan tashkil topgan.