Matematika fani o‘quvchilarda mantiqiy fikrlashni rivojlantirish, muammolarni tahlil qilish va ularga echim topish ko‘nikmalarini shakllantirishda muhim ahamiyat kasb etadi. Ammo bu fanni faqatgina darslik va an’anaviy usullar orqali o‘qitish ba’zan o‘quvchilarga qiziq bo‘lmaydi. Shu sababli, dars jarayonida ekskursiyalar, ertaliklar va o‘yinlardan foydalanish muhim metodlardan biri hisoblanadi. Ushbu usullar o‘quvchilarning darsga bo‘lgan qiziqishini oshirib, ularning faolligini rag‘batlantiradi va fan materiallarini chuqurroq o‘zlashtirishiga yordam beradi.