Maktabgacha ta’lim muassasalari o‘rta guruh uchun mashg‘ulot ishlanmasi Mavzu: 10 sonining hosil bo‘lishi bilan tanishtirish va 10 gacha ketma-ket va tartib bilan sanashga o‘rgatish Ta'limiy faoliyat maqsadlari: Ta'limiy maqsad: Bolalarni 10 soni bilan tanishtirish;10 gacha tartib bilan sanashni mashq qildirish;Geometrik shakllar haqidagi bilimlarni mustahkamlash;Rivojlantiruvchi maqsad: Bolalarni sanoq malakalarini rivojlantirish;Sonlarni miqdoriy tarkibi haqidagi bilimlarni rivojlantirish; Bolalarning diqqatini rivojlantirish. Tarbiyaviy maqsad: Bolalarga vaqt meyorlariga rioya qilishni o‘rgatish;O‘zaro hurmatda bo‘lishni, bir -biriga yordam berishni o‘rhatish; Kutilayotgan natijalar: Bolalar 10 ichida tartib bilan sanashga o‘rganadilar;Bolalar geometrik shaklarni takrorlaydilar;Bolalarda mustaqil fikrlash va ijodkorlik qobiliyatlari rivojlanadi. Kerakli jihozlar: 0 raqami va 1dan 9 gacha bo‘lgan raqamlar rasmlari.1-topshiriq. “Sonlar ketma-ketligini aniqlash”. Har bir bolalaga alohida topshiriq nusxasi.2-topshiriq. “Sonlar miqdoriga mos kataklarni bo‘yang”. Har bir bolalaga alohida topshiriq nusxasi. 3-topshiriq. “Geometrik shakllarni bo‘yaymiz”. Har bir bolalaga alohida topshiriq nusxasi4-topshiriq. “Raqamli rasmni bo‘yang” Har bir bolalaga alohida topshiriq nusxasiHar bir bolaga 10 donadan doiracha rasmi beriladi. Rangli qalamlar. Faoliyatning borishi: O‘tilgan mavzularni takrorlashga doir vazifalar: Tarbiyachi: Bolajonlar, bugun Sizlar bilan sonlar ustida ishlaymiz: Bolajonlar kim menga 10gacha sanab beradi?Bolajonlar kim qo‘limdagi qog‘ozda qaysi raqam tasvirlanganini aytadi?1 raqami nimaga o‘xshaydi? 2 raqami nimaga o‘xshaydi?