Didaktik materiallar – bu o‘qitish jarayonida bilim, ko‘nikma va malakalarni shakllantirishga xizmat qiladigan o‘quv yordamchi vositalardir. Ular yordamida o‘quvchining darsdagi faolligi ortadi, mavzuni o‘zlashtirishi osonlashadi, mustaqil ishlash malakasi shakllanadi. Boshlang‘ich sinfda ona tili darslarida qo‘llaniladigan didaktik materiallar turlicha bo‘lishi mumkin: Ko‘rgazmali materiallar: rasmli kartochkalar, jadvallar, sxemalar, harf va so‘zlar yozilgan plakatlar, rasmlar. Bular orqali o‘quvchilar mavzuni ko‘z bilan ko‘rib, yaxshiroq tushunadilar va eslab qoladilar. Bosma materiallar: daftarlar, qo‘shimcha mashq to‘plamlari, tarqatma materiallar, didaktik topshiriqlar. Ular o‘quvchilarning mustaqil ishlashini ta’minlaydi. Texnik vositalarga asoslangan materiallar: slaydlar, videodarslar, interaktiv doskalar orqali ko‘rsatiladigan topshiriqlar. Bu vositalar zamonaviy darsning ajralmas qismiga aylanmoqda. O‘yinli materiallar: domino, so‘z topishmoqlar, o‘yinli kartalar, interaktiv viktorinalar. Ular darsga jonlilik baxsh etadi va bolalarning ishtirokini kuchaytiradi.