Mavzuning dolzarbligi. Kelishik — ot yoki otlashgan soʻzning boshqa soʻzlar bilan aloqasini koʻrsatuvchi grammatik shakl. U ot shakli ekanligi holda, birikma yoki gap tarkibida uning boshqa soʻzga tobe’lanishini koʻrsatadi. Bu sintaktik munosabat kelishik qoʻshimchasining oʻzi bilan, koʻmakchi yoki koʻmakchi vazifasidagi soʻz bilan birga ifoda topishi ham mumkin. Kelishiklar soni turli tillarda har xildir. Oʻzbek tilida 6 ta kelishik boʻlib, ular bosh (qoʻshimchasiz), qaratqich (qoʻshimchasi: ning), tushum (qoʻshimchasi: -ni), joʻnalish (qoʻshimchasi: -ga, -ka, -qa), oʻrin (qoʻshimchasi: -da), chiqish (qoʻshimchasi: -dan) kelishiklaridan iborat. Shulardan qaratqich kelishigi ot tomonidan boshqarilib, hokim soʻz egalik qoʻshimchasini olib keladi: kitobning varagʻi. Qolgan tushum, joʻnalish, oʻrin, chiqish kelishikli otlar feʼl yoki sifat tomonidan boshqariladi: kitobni varaqladi, kitobga qaradi, kitobda yozilgan, kitobdan olindi. Kurs ishining maqsadi: O'zbek tilida klishik kategoriyasi va Shukur Xolmirzayevning "Olis yulduzlur ostida" asarini o’rganish va tahlil qilish. Kurs ishining vazifalari: - Kelishik kategoriyasi haqida ma’lumot berish - Kelishik shakllarini o’rganishda zamonaviy ta’lim metodlaridan foydalanish - Shukur Xolmirzayevning ijod olami va asarlarini tahlil qilish Kurs ishining tuzilishi: kirish 2 bob 5 bo’lim xulosa va foydalanilgan adabiyotlardan tashkil topgan.