Mavzuning dolzarbligi. Pedagogik kengash jamoa pedagoglari fikrini ifodalovchi, bolalar bilan olib boriladiga ta'lim-tarbiyaviy masalalarni kollegial ko'rib chiqadigan doimiy ishlovchi organ, metodik mahorat maktabi va ilg'or tajriba minbaridir. Maktabgacha ta'lim tashkiloti direktori Pedagogik kengash raisi hisoblanadi. Pedagogik kengashga quyidagi masalalar: bolalar bilan olib boriladigan ta'lim-tarbiyaviy ishlar darajasini oshirish, ularni hal qilish yo'llarini izlash; muassasa ish amaliyotga pedagogika fanining yutuqlari va ilg'or pedagoglar tajribasini joriy qilish; tarbiyachilarning pedagogik mahoratini oshirish, ularning ijodiy faolligini rivojlantirish kiritiladi. Pedagogik kengash maktabgacha ta'lim bo'yicha buyruq, yo'l-yo'riq, nizom va boshqa me'yoriy hujjatlarni; maktabgacha ta'lim tashkilotining yillik ish rejasini; bolalar sog'ligini mustahkamlash tadbirlarini; har bir yosh guruhlari bo'yicha dasturining sifatli bajarilishi jarayonini; ish amaliyotiga joriy qilish maqsadida tarbiyachilarning ilg'or tajribalarini; maktabgacha yoshdagi bolalarga ta'lim va tarbiya berishning dolzarb masalalarini, tarbiyachilarning nazariy va metodik tayorgarliklarini oshirish masalalarini va maktabgacha ta'lim muassasasi faoliyatining boshqa masalalarini muhokama qiladi. Pedagogik kengashlar kun tartibini belgilashda barcha qatnashchilarni qiziqtiruvchi mavzuning kengligini, dolzarbligini ta'minlash zarur. Faqat shundagina Pedagogik kengashda ish muhiti hukm suradi, masalalar muhokamasi sermaxsul va faol bo'ladi. Pedagogik kengash tarkibiga: uslubchi, tarbiyachilar, musiqa rahbari, maktabgacha ta'lim muassasasiga hizmat ko'rsatuvchi shifokor, katta hamshirasi, kasaba uyushma, ota-onalar qo'mitasining raisi xamda vasilik kengash raislari kiradi. Pedagogik kengash yig'ilishiga jamoat tashkilotlarining vakillari, maktablar o'qituvchilari, maktabgacha ta'lim tashkiloti tarbiyalanuvchilarining ota-onalari taklif etilishi mumkin. Pedagogik kengash maktabgacha ta'lim tashkilotining yillik ish rejasiga kiritilgan va pedagoglar Pedagogik kengashi tomonidan tasdiqlangan reja bo'yicha ishlaydilar. Kurs ishining maqsadi: Maktabgacha ta'lim boʻlimlari va maktabgacha taʼlim muassasalarida pedagogik kengash shart-sharoitlarini o‘rganish. Xalk ta'limi bulimlari tashkilotlar, jamoa xujaliklari va boshka tashkilotlar tomonidan maktabgacha ta'lim muassasalarini tashkil kilish tartibi, ularning tashkiliy xukukiy tizimlari chukur urganiladi. Talabalarda instruktiv va boshka xujjatlardan tugri foydalana olish malakalarini rivojlantirish. Kurs ishining vazifalari: 1.Pedagogika, ijtimoiy pedagogika, psixologiya hamda sotsiologiya yo‘nalishlarida yaratilgan manbalar hamda xorijiy mamlakatlarning ijtimoiy-pedagogik muammolarni hal etishga doir tajribalarini o‘rganish orqali maktabgacha taʼlim muassasalarida maktabgacha taʼlim yoshdagi bolalarni tarbiyalash va rivojlantirishda maktabgacha taʼlim muassasalaridagi pedagogik kengash ta’sirini asoslash. 2.Maktabgacha yoshdagi bolalarni tarbiyalashda ta’sir ko‘rsatuvchi ichki va tashqi omillarni tahlil qilish. 3.Maktabgacha ta'lim boʻlimlari va maktabgacha taʼlim muassasalarida pedagogik kengash faoliyatining mazmunini yoritish. 4.Davlat va nodavlat maktabgacha ta’lim tashkilotlarini nazorat qilish hamda tahlil qilish. Kurs ishining ob’ekti: Maktabgacha ta'lim boʻlimlari va maktabgacha taʼlim muassasalaridagi pedagogik kengash jarayoni. Kurs ishining predmeti: Maktabgacha taʼlim muassasalarida pedagogik kengash jarayoni, mazmuni, bosqichlari, shakllari, tamoyillari va bolani tarbiyalash va rivojlantirishda maktabgacha taʼlim muassasalarning tashkiliy-texnologik elementlari.