REJA: I – BOB. BOSHLANG‘ICH SINFLARDA SINFDAN TASHQARI O‘QITISH 1.1. Sinfdan tashqari o‘qishning maqsad va vazifalari 1.2. Sinfdan tashqari o‘qish uchun kitob tanlash tamoyillari 1.3. Sinfdan tashqari o‘qish darslarini rejalashtirish II – BOB. BOSHLANG‘ICH SINFLARDA SINFDAN TASHQARI MASHG‘ULOTLARDA R.TOLIB IJODINING O‘RNI 2.1. Sinfdan tashqari darslarda Rauf Tolib ijodini o‘rganish jarayoni va uning ahamiyati 2.2. Boshlang‘ich sinf o‘quvchilarida tabiat va uni asrash haqidagi dunyoqarashini shakllantirishda sinfdan tashqari mashg‘ulotlarda Rauf Tolib she’riyatining o‘rni 2.3. Boshlang‘ich sinflarda sinfdan tashqari mashg‘ulotlar uchun Rauf Tolib she’riy ertaklardan foydalanish va uning ahamiyati XULOSA FOYDALANILGAN ADABIYOTLAR KIRISH Mavzuning dоlzarbligi. Mamlakatimizda demokratik davlat va fuqarolik jamiyati qurish maqsad qilingan va bu amalga oshirilayotgan ekan, bu jarayonda yoshlarning o‘rni va roli alohida ahamiyatga ega . Zero, yoshlar bizning kelajagimiz, avlodlardan meros qolgan muqaddas zaminni yuksaltirish, ilg‘or davlatlar darajasiga ko‘tarish ularning bilimi, iste’dodi, jasorati, ma’naviy barkamolligiga bog‘liq. O‘zbekiston Respublikasi Prezidentining 2017 yil 7 fevraldagi “O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida”gi Farmonining ijtimoiy yo‘nalishida amalga oshiriladigan muhim tadbirlar qatorida oliy ta’lim muassasalari uchun pedagoglarning yangi avlodini shakllantirish, ma’naviy-ahloqiy jihatdan etuk, mustaqil dunyoqarashga ega, ijodiy fikrlovchi, boy milliy meros, shuningdek, umuminsoniy va milliy qadriyatlarga sadoqatli barkamol shaxsni tarbiyalab voyaga etkazish vazifalari ham belgilab o‘tilgan. Darhaqiqat, mustaqillik davrida yoshlar tarbiyasi uchun ularning qobiliyat va ist’dodlarini ro‘yobga chiqarish uchun barcha sharoitlar yaratildi. 1997- yil 29- avgustda qabul qilingan “Ta’lim to‘g‘risida”gi Qonunda va “Kadrlar tayyorlash Milliy dasturi” da yoshlarni jismonan baquvvat, ma’naviy jihatdan yuksak, aqliy jihatdan barkamol, ruhiy jihatdan qobiliyatli, zamonaviy ilm va kasb – hunarni mukammal egallagan, o‘zining shaxsiy fikriga ega, vatanparvar, insonparvar va mehnatsevar shaxs qilib tarbiyalash ko‘zda tutilgan. Hozirda ta’lim tarbiya tizimida asl milliy qadriyatlarga tayaninsh tobora qaror topib bormoqda va ko‘ngil tarbiyasiga, ya’ni inson ma’naviyatini shakllantirishga birlamchi vazifa sifatida yondashish ustuvor bo‘lib bormoqda. Ma’lumki, boshlang‘ich ta’lim insonning bilim va tarbiya olishida poydevor vaifasini o‘taydi. Boshlang‘ich sinflardagi o‘qish ta’limi sohasining asosiy maqsadi bolalarning yosh xususiyatlarini e’tiborga olgan holda, og‘zaki va yozma nutqini hamda tafakkurini o‘stirish, ularni shaxs sifatida shaakllantira borishni amalga oshirish, ularda bilim olishga bo‘lgan qiziqishni o‘stirish, faollik, mustaqillik, mehnatsevarlik, qiyinchiliklarni yenga olish qobiliyatlari o‘stirish hisoblanadi. Ayniqsa, “o‘qish” fan dasturi asosida tashkil qilinadigan boshlang‘ich sinf o‘qish darslari o‘quvchilarni har tomonlama rivojlangan ma’naviyatli inson qilib tarbiyalashda alohida o‘rin tutadi. O‘qishni o‘qitishdan asosiy maqsad o‘quvchilarda o‘z ona tilida fikrni to‘g'ri, aniq, ravshan va go‘zal ifodalay olish ko‘nikmalarini shakllantirish va rivojlantirishdan iboratdir. So‘zlarni to‘g'ri tanlash, nutqni tinglovchiga qulay tarzda tuza olish insoniy madaniyatning eng asosiy tarkibiy qismlaridan biri hisoblanadi. Shuning uchun har bir so‘z, birikma va gapni barcha qirralari bilan to‘g'ri, o‘rinli ishlata olishni o‘rgatish, o‘z nutqiga nisbatan ehtiyotkorlik tuyg'usini shakllantirish o‘qish mashg'ulotlarining asosiy vazifasi sanaladi.