Yosh bolalarning turli to'plamlar bilan mashg'ul bo'lishidagi amaliy faoliyati davrida ayrim elementlardan tashkil topgan to'plamlarni butun bir ob'ekt shaklida tasavvur qiladi. Natural sonlar qatori quyidagi xususiyatlarga egadir. Har bir son bir-biridan birga ko'p yoki birga kam bo'ladi. Bir son hech qanday sondan keyin kelmaydi. Bolalarda tarkib topgan ko'pliklar tushunchalari elementlarni bir-biriga mos munosabatda qo'ya bilishni o'rganishdagi amaliy ko'nishlariga asoslanib, 4 yoshdagi bolalar gruppasida sanoqqa o'rgatishda sonlarni ifodalash boshlanadi. 4-5 yashar bolalar gruppasida, turli analizatorlar yordamida bolalarning sanoq malakalari yana ham oshirilishi bilan, ularga qator sonlar orasidagi to'g'ri va teskari munosabatlar tushuntiriladi. 6 yashar bolalar gruppasida qo'shni sonlar orasida munosabatlarni tushuntirishi yana ham chuqurlashtirilib, bolalar son, funktsiyani bajarishi, ya'ni miqdorni va tartibni ko'rsatishi bilan tanishadi. Bu bilan bolalar ongida sonlar qatori qatiy bir sistemada bo'lishi tushunchasi shakllanadi, har bir sonning tarkibi o'zidan kichik ikki sondan iborat bo'lishi o'rgatiladi. Bu tariqa berilgan ma'lumotlar bolalarni arifmetik amallarini tushish va o'zlashtirishga tayyorlaydi.