Kutubxonada faoliyat ko‘rsatayotgan bo‘limlar 1. Ilmiy - uslubiyat bo‘limi Uslubiyat bo‘limining asosiy vazifasi umumta'lim muassasalari kutubxonalarining faoliyatini takomillashtirishdan iborat. Ilmiy-uslubiyat bo‘limining asosiy vazifalari quyidagilar: -tizimdagi kutubxonalarga tashkiliy uslubiy rahbarlik qilish va ilmiy-uslubiy kengash faoliyatini tashkil etish; -tuman va shahar umumiy o‘rta ta'lim maktablarining metodik ishlarini rejalashtirishga ko‘maklashish; -shahar va tuman ta'lim muassasalari kutubxonalari faoliyatini yaxshilashda amaliy-uslubiy yordam berish; -ta'lim muassasalari kutubxona xodimlarining malakasini oshirish-ularning kasbiy bilimlarini kengaytirish va yanada chuqurlashtirishga doir chora-tadbirlarni ishlab chiqish; -tizimdagi kutubxonalarga axborot xizmati ko‘rsatish bo‘yicha materiallarni ishlab chiqish; -xalq ta'limi boshqarmasi tizimidagi maktab kutubxonalarining faoliyatini muvofiqlashtirib borish, kutubxonachilik bibliografik bilimlarini targ‘ibot qilish, yig‘ilish praktikum va seminarlar o‘tkazish orqali kutubxona xodimlarining malakalarini oshirishga yordam berish.