Oltin-mishyakli boyitmalarni qayta ishlash amaliyoti Chanlarda bakterial tanlab eritish jarayonlari texnologiyasining sanoatdagi amaliyoti Bakterial-avtoklav tanlab eritish qurulmasi sanoat tajribasi Oltinmargumushli boyitmalarni qayta ishlash tennologiyasiga BTE jarayonlarining kiritilishi oksidlash siklining umumiy unumdorligini 25% ga oshirish imkoniyatini berdi. АQSh da dastlabki biogidrometallurgik texnologiya sanoat qurulmasi asosida murakkab oltin tarkibli rudalardan oltinni ajratish US Gold i Homestake Mining kompaniyasiga tegishli yangi “Tonkin Springs” fabrikasida qoʼllanildi. Fabrikada juda kichik oʼlchamli va mikroskopik oltin mayin donador sulьfidlarda joylashgan murakkab oltin tarkibli rudalar qayta ishlanadi. BTE ning birinchi sanoat qurilmasi 1986 yilda Feyrvyu (JАR) konida sutkasiga 10 t. boyitmani qayta ishlashga moʼljallab qoʼrilgan. Kuydirish sexi yopilganidan keyin qurilmaning ish unumdorligi 55 t/sutkagacha oshirildi (1991y.). Bu qurilmada 8-10% margumush, 24-29% oltingugurt,120-140 g/t oltin biriktirgan murakkab tarkibli boyitma qayta ishlanib, arsenopirit va pirit bilan singib ketgan oltinning 70% ning oʼlchami 2 mkm dan kichikdir. Bu boyitmalarni toʼgʼridan-toʼgʼri sianlashda oltininig eritmaga ajralishi 35% dan oshmaydi. «Kuydirish - sianlash» texnologiyasi qoʼllanilganda oltinni ajralishi 90% atrofida boʼldi. Biogidrometallurgik qayta ishlashda bu koʼrsatgich 95% gacha oshdi.