Mahsulot sifati menejmenti (mahsulot turlari bo`yicha) yo`nalishi – yangi yo`nalish Mustaqil O`zbekiston Respublikamizda bozor iqtisodiyoti shakllanayotgan bir davrda «Sifat» so`zi katta ahamiyat kasb etmoqda, chunki mahsulot sifati korxonalarimiz ishlab chiqarayotgan mahsulotlarimizning jahon bozoriga chiqishini kafolatlaydi, bizning mustaqil davlatimizni eksport saloxiyatini, xalq farovonligini, korxonalarni mu’tadil iqtisodiy muvaffaqiyatlarini, uning mahsulotlarini jafon bozorida raqobatbardoshigini aniqlaydi. Shuning uchun «Sifat» so`ziga butun jahondagina emas, balki bizda ham juda katta ahamiyat berilmoqda. Eksportni kengaytirish va valyuta hamda to`lov balansini kengaytirish masalalari ustivor vazifalardan bo`lib, hech bir korxona o`z mahsulotini eksport qilish evaziga respublikaga valyuta olib kirmasa, u o`zini mahsulotini qonikarli deb hisoblashga haqqi yo`q. O`z-o`zidan ma’lumki, sifatli mahsulotni ishlab chiqarmay turib, eksport imkoniyatini kengaytirish mumkin emas, eksport qilinayotgan mahsulotlarga xalqaro miqyosda tan olingan sertifikatlar yo`kligi bundan ham mushkulroq masala bo`lib qolmoqda. XXI asr Evropa sifat tashkiloti, standartlashtirish bo`yicha Xalqaro tashkilot ISO kabi xalqaro tashkilotlar tomonidan «Sifat asri» deb tan olingan. Sifat tom ma’noda, jamiyatda mehnatni yuqori samarodorligini ko`rsatkichi, milliy boylik manbai va eng muhimi, iqtisodiy va ijtimoiy krizisdan chiqish va rivojlanish faktori ko`rsatkichiga aylandi.