Standartlashtirish bo’yicha xalqaro tashkilot (ISO) 1946 yilda BMTning standartlarni muvofiqlashtirish qumitasi tomonidan tashkil etilgan va shu yili uning Nizomi qabul qilingan. “O’zstandart” agentligi O’zbekiston Respublikasining standartlashtirish sohasida milliy idorasi sifatida 1994 yildan boshlab ISOning haqiqiy a’zosi hisoblanadi. Xalqaro elektrotexnik komissiya (IEC) standartlashtirish bo’yicha xalqaro tashkilotlar orasida birinchilar qatorida tashkil etilgan. 1881 yilda birinchi marta elektr sohasi bo’yicha Xalqaro kongress bo’lib o’tdi. Keyinchalik 1904 yilda o’tgan Xalqaro kongressda elektrotexnika sohasida standartlashtirish ishlarini olib borish uchun maxsus idora tuzish to’g’risida qaror qabul qilindi.