Kichik biznes va xususiy tadbirkorlik iqtisodiyotni rivojlantirish, aholi bandligi va daromadlarini oshirishda muhim omildir. Faqat katta korxonalar qilish, aholi bandligini va daromadini oshirish, budjet tushumlarini ko‘rsatish masalarini to‘liq hal eta olmaymiz.Turmush darajasini oshirishning eng muhim yo‘li tadbirkorlik va kichik biznesni rivojlantirishdir. Kichik biznes iqtisodiyotning shunday sektoridirki, u investitsiya muhitida yuz berayotgan deyarli barcha o‘zgarishlarga moslashadi. Kichik biznes nuqtayi nazaridan investitsiya muhitining jozibadorlik darajasini aniqlash uchun butun mamlakat va mintaqalardagi iqtisodiy vaziyatni ko‘rsa-tuvchi omillar, iqtisodiyotning bu tarmog‘iga investitsiyalar kiritish qonunlar va infratuzilmalar bilan qanchalik ta’minlanganligi, mintaqada bozor infratuzilmasining rivojlanish darajasi, malakali ishchi kuchining mavjudligi, shuningdek, mana shu va boshqa omillar bilan bog‘liq xatarlar bor yoki yo‘qligi g‘oyat muhimdir. O‘zbekiston-da kichik biznes va tadbirkorlik uchun tarmoqlar bo‘yicha investitsiya muhiti alohida qiziqish tug‘diradi. Kichik biznes uchun o‘ziga xos ba’zi ko‘rsatkichlar sifatida quyidagilarni sanab o‘tish mumkin:● kichik tadbirkorlikni davlat tomonidan qo‘llab-quvvatlash tizimi va infratuzilmasini rivojlantirishning minta-qaviy ko‘rsatkichi;● egallab turgan bozor sektorlari bo‘yicha (masalan, xizmatlar yoki savdo sohasida) raqobatlashuvchi yirik firmalarning mavjudligi va rivojlanish darajasi;● mahalliy bank tizimining rivojlanish darajasi va boshqa omillar.● Jalb etilgan chet el investitsiyalarini mamlakatimizning barcha mintaqalariga yo‘naltirish, shu bilan bir qatorda, ushbu mablag‘larni, eng avvalo, tarkibiy qayta o‘zgartirishlarni chuqurlashtirish va iqtisodiyotni diversifikatsiyalash, mavjud quvvatlarni modernizatsiya qilish va texnologik yangilashni jadallashtirish va sanoat kooperatsiyasi asosida ishlab chiqarishni mahalliylashtirish jarayonlarini chuqurlashtirish loyihalarini moliyalashtirish uchun alohida e’tibor qaratish.