Garmoniyaning musiqadagi axamiyati. Turt ovozli tuznlma. Asosiy uchtovushliklarning qo’shilishi. Kuyni asosiy uchtovushliklar bilan garmoniyalash Kirish Garmoniya tushunchasi bugungi kunga kelib ancha kengaydi. Hozirda u faqat akkordlar (ohangdoshlar) va ularning ketma-ketliklari tushunchasini bildiribgina qolmay, balki, ifoda vositalarining butun bir sohasini o’z ichiga oladi. Oliy ta’lim muassasida o’tiladigan garmoniya kursining asosiy maqsadidan biri – garmonik tahlil sohasidagi amaliy ko’nikmalar, kuyni garmoniyalash, modulyatsiya va sekventsiyalarni ijro etishdan tashqari, biron kompozitor, muayyan bir musiqiy asar yoki davrga xos uslubning xarakterli tomonini aniqlab bera olish ko’nikmasini ishlab chiqish hisoblanadi. Shunga ko’ra, musiqiy tizim, musiqiy tafakkur rivojining jarayoni, musiqaning lad-tonal asosi, undagi musiqiy tilning boshqa unsurlari bilan chambarchas bog’liqlik vazifasini yanada kengroq tushunish alohida ahamiyat kasb etadi.