Mavzu: Logistika markazlarini qishloq xo’jaligi mahsulotlari yetishtiruvchi subyektlar bilan iqtisodiy-huquqiy munosabatlari. Reja: 1. Qishloq xo`jalik ishlab chiqarish logistikasida marketingning maqsadi. 2. Qishloq xo`jalik mahsulotlarini ishlab chiqarish logistikasida marketingni rivojlantirish yo`llari. 3. Logistika markazi fermer xo‘jaligining o‘zida. Qishloq xo`jalik ishlab chiqarish logistikasida marketingning maqsadi – talabni shakllantirish va rag`batlantirish, qishloq xo`jaligi ishlab chiqaruvchisi ishining rejalari va qabul qilinadigan boshqaruv qarorlarining asosliligini ta`minlash hamda qishloq xo`jaligi mahsulotlarining savdo ko`lami, bozor hissasi va foydasini ko`paytirishdan iborat. Sotiladigan, ya`ni bozori chaqqon qishloq xo`jaligi mahsulotlarini yetishtirish – fermer faoliyatiga marketing nuqtai nazaridan yondashishining asosiynishonidir. Qishloq xo`jaligi korxonasida ishlab chiqarishni boshqarishga strategik yondoshuv logistikaning maxsus xizmatini ajratishni ko`zda tutadi, bu xizmat yetkazib beruvchi bilan shartnomali munosabatlarni shakllantirishdan boshlab to tayyor mahsulotni iste`molchiga yetkazib berishgacha bo`lgan moddiy oqimni boshqarishi zarur.