Банк ресурсларини бошқаришни икки, яъни, молиявий механизмни режалаштириш ва назорат элементлари орқали асослашда, аввало, банк ресурсларини режалаштиришда унинг стратегик ва тактик қирраларига диққатни қаратиш муҳим бўлиб ҳисобланади. Банк ресурсларини бошқаришда стратегик режалаштириш камида 2–10 йилга мўлжалланиб ишлаб чиқилади, бунда асосий эътибор ресурсларни жалб этиш ва жойлаштиришни муддатлар бўйича мувозанатлаштириш, мижозларнинг таркибини шакллантириш, ресурсларни жалб этишни омонатчилар ва мижозлар бўйича диверсификациялаш кабиларга эътибор қаратилади.