Anatomiyaning haqiqiy taraqqiyoti qadimiy yunonlar (Gretsiya) mamlakatidan boshlangan. Yunonistonning Kos va Knidos tibbiyot maktablari tashkil qilingan. Qadimiy Yunonistonning ko`p olimlari, jumladan Gippokrat, Pifogor, Alkmeon va boshqalar shu maktablarda tarbiyalanganlar. Pifagor (eramizdan avvalgi 580-500- yillar yashagan) mashhur faylasuf, matematik bo`lib, tirik mavjudotning kelib chiqishini o`rgangan. Pifogor birinchilar qatorida „hamma mavjudot (borliq) urug`lardan paydo bo`ladi" — degan tushunchani aytgan.