8-SINF O‘QUVCHILARINING MUSTAQIL FIKRLASH SALOHIYATINI O‘STIRISHDA KICHIK GURUHLARDA ISHLASHNI TASHKIL QILISH MUNDARIJA: KIRISH……………………………………………………………………………3 I.BOB. 8-SINF O‘QUVCHILARINING MUSTAQIL FIKRLASH SALOHIYATI HAQIDA TUSHUNCHA 1.1. O‘quvchilarda mustaqil fikrlashni rivojlantirish omillari va mezonlari………………………………………………………………5 1.2. 8-sinf yoshidagi o‘quvchilarning psixologik va pedagogik xususiyatlari……………………………………………………………8 II.BOB. KICHIK GURUHLARDA ISHLASHNING NAZARIY ASOSLARI 2.1. Kichik guruhlarda ishlash texnologiyasining mohiyati va afzalliklari……………………………………………………………………...12 2.2. Guruhlarda ishlashning o‘quvchilarning fikrlash salohiyatiga ta’siri hamda samarali guruhli faoliyatni tashkil qilishda qo‘llaniladigan metodlar……………20 III.BOB. XULOSA………………………………………………………………28 FOYDALANILGAN ADABIYOTLAR RO‘YXATI………………………….30 KIRISH Kurs ishining dolzarbligi: Bugungi kunda ta’lim jarayonida o‘quvchilarning mustaqil fikrlash salohiyatini rivojlantirish masalasi dolzarb ahamiyat kasb etmoqda. XXI asrda axborot texnologiyalari, ijtimoiy va ilmiy taraqqiyotning jadal rivoji har bir shaxsdan mustaqil fikrlash, tanqidiy yondashuv, kreativ yechimlar topish qobiliyatlarini talab qiladi. Ayniqsa, umumta’lim maktablarida, xususan, 8-sinf o‘quvchilarida mustaqil fikrlash salohiyatini rivojlantirish ularda bilimlarni mustaqil o‘zlashtirish, mas’uliyatni his qilish va shaxsiy qarashlarni shakllantirishga xizmat qiladi. Ushbu kurs ishi kichik guruhlarda ishlashni tashkil etish orqali o‘quvchilarning mustaqil fikrlash qobiliyatini rivojlantirishni o‘rganishga qaratilgan. Kichik guruhlarda ishlash texnologiyasi o‘quvchilarni birgalikda ishlashga, muammolarni hal qilishga, o‘z fikrlarini asoslashga va boshqalarning qarashlarini tahlil qilishga o‘rgatadi. Bu usul nafaqat bilimlarni o‘zlashtirishni kuchaytiradi, balki mustaqil va tanqidiy fikrlash salohiyatini shakllantirish uchun ham samarali vosita hisoblanadi. Kurs ishining maqsadi: 8-sinf o‘quvchilarining mustaqil fikrlash salohiyatini o‘stirishda kichik guruhlarda ishlashni tashkil qilishning samaradorligini o‘rganish va uni takomillashtirish bo‘yicha ilmiy-metodik asoslarni ishlab chiqish. Kurs ishining vazifalari: 1. Mustaqil fikrlash salohiyatining nazariy asoslarini tahlil qilish. 2. Kichik guruhlarda ishlashning o‘quvchilarning mustaqil fikrlashiga ta’sirini aniqlash. 3. Samarali guruhli faoliyatni tashkil etish uchun uslubiy tavsiyalar ishlab chiqish. 4. Tajriba-sinov ishlari orqali kichik guruhlarda ishlashning amaliy natijalarini tahlil qilish va umumlashtirish. 5. O‘quvchilarning mustaqil fikrlash salohiyatini baholash mezonlari va usullarini ishlab chiqish. Mazkur kurs ishi o‘quv jarayoniga amaliy tavsiyalarni kiritish va o‘quvchilarda zamonaviy ta’lim talablariga mos mustaqil fikrlash qobiliyatini shakllantirishga qaratilgan. Kurs ishining tuzilishi: Kirish qismi, ikki bob, to‘rtta paragraf, xulosa va foydalanilgan adabiyotlar ro‘yxatidan iborat .